Bashkësia Fetare Islame në Maqedoni do të ngrejë padi penale kundër strukturave radikale që kanë uzurpuar një pjesë të xhamive të Shkupit.

Vendimi i BFIM-së vjen pas përgjigjes pozitive të Gjykatës Themelore të Shkupit, e cila vendosi që imami i shkarkuar nga xhamia e Isa Beu, Ramadan Ramadani të largohet nga detyra dhe ti lejohet e drejta e vendosjes dhe pronës institucionit të BFIM-së.

Institucioni fetar i myslimanëve në Maqedoni paralajmëron ngritjen e kallëzimeve të tjera penale kundër udhëheqësve të tjerë nëpër xhami që janë në kundërshtim me politikat institucionale të BFIM-së dhe konsiderohen si struktura radikale, që u akuzuan si vehabistë.
Por, imami i xhamisë Isa Beu, Ramadani edhe përkundër vendimit të gjykatës, ka refuzuar se do të largohet nga detyra dhe kryerja e ritualeve fetare në këtë xhami, duke theksuar se drejtësia do të vazhdojë nëpër labirinthet e sistemit gjyqësor.

Marrë nga: INA, janar 2011.